100 బిలియన్ డాలర్ల క్లబ్‌లోకి జియో ప్లాట్‌ఫామ్స్.. షేర్ల బంపర్ లిస్టింగ్
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
స్టాక్ మార్కెట్లలో జియో ప్లాట్‌ఫామ్స్ షేర్లు భారీ ప్రీమియంతో లిస్ట్ అయ్యాయి. ఐపీఓ ఇష్యూ ధర రూ.1,119 కాగా ఏకంగా 21.4 శాతం లాభంతో రూ.1,358 వద్ద షేర్లు ట్రేడింగ్ ప్రారంభించాయి.
దీంతో జియో ప్లాట్‌ఫామ్స్ అరుదైన 100 బిలియన్ డాలర్ల ఐపీఓ వాల్యుయేషన్ క్లబ్‌లో చేరింది. ప్రపంచవ్యాప్తంగా మెటా, అలీబాబా, స్పేస్‌ఎక్స్ తర్వాత ఈ ఘనత సాధించిన నాలుగో సంస్థగా రికార్డు సృష్టించింది.
బంపర్ లిస్టింగ్ కారణంగా కంపెనీ మార్కెట్ క్యాపిటలైజేషన్ ఏకంగా రూ.12.6 లక్షల కోట్లకు చేరుకుంది. దేశీయ మార్కెట్ క్యాపిటలైజేషన్ ర్యాంకింగ్స్‌లో మాతృ సంస్థ రిలయన్స్ ఇండస్ట్రీస్ తర్వాతి స్థానంలో జియో నిలిచింది.
ఐపీఓ ఆఫర్ ధర ప్రకారం చూసుకుంటే జియో ప్లాట్‌ఫామ్స్ విలువ సుమారు రూ.10.3 లక్షల కోట్లుగా ఉంది. అంటే సుమారు 108 బిలియన్ డాలర్ల విలువతో ఈ సంస్థ అంతర్జాతీయ దిగ్గజ కంపెనీల సరసన చేరింది.
