ప్రముఖ ఐటీ కంపెనీలకు అమెరికా షాక్.. PERM ప్రోగ్రామ్ నుంచి సస్పెన్షన్
టాటా, టీసీఎస్, ఇన్ఫోసిస్, విప్రో, హెచ్‌సీఎల్, కాగ్నిజెంట్, క్యాప్‌జెమిని సంస్థలతో పాటు యాక్టివ్ ఫెడరల్ ఇన్వెస్టిగేషన్ల కారణంగా మైక్రోసాఫ్ట్, అడోబ్‌లను PERM ప్రోగ్రామ్ నుంచి అమెరికా కార్మిక శాఖ (DOL) సస్పెండ్ చేసింది.
ఈ కంపెనీల కొత్త దరఖాస్తుల స్వీకరణ, పెండింగ్‌లో ఉన్న లేబర్ సర్టిఫికేషన్ల ప్రాసెసింగ్‌ను DOL నిలిపివేసింది.
డిపార్ట్‌మెంట్ ఆఫ్ లేబర్ ఇన్‌స్పెక్టర్ జనరల్ ఆంథోనీ డి. ఎస్పోసిటో క్రిమినల్ దర్యాప్తు తర్వాత ప్రధాన ఐటీ ఔట్‌సోర్సింగ్ సంస్థలపై ఈ చర్యలు తీసుకున్నారు.
ఈ సస్పెన్షన్ ఉన్నప్పటికీ ఇప్పటికే ఉన్న హెచ్-1బీ వీసాలు చెల్లుబాటులోనే ఉంటాయని, కంపెనీలు ఇప్పటికీ ఉద్యోగులను నియమించుకోవచ్చని లేదా వీసాలను పొడిగించుకోవచ్చని స్పష్టం చేశారు.
2009 నుంచి ఈ సంస్థలన్నీ కలిసి దాదాపు 30 లక్షల మంది విదేశీ వర్కర్లను కోరగా, 2.30 లక్షలకు పైగా హెచ్-1బీ ఆమోదాలు, అలాగే 1,00,000 కు పైగా శాశ్వత లేబర్ సర్టిఫికేషన్లను పొందాయి.
వీసా మోసాలను అరికట్టేందుకు, అమెరికన్ కార్మికులను రక్షించేందుకే ఈ నిర్ణయం తీసుకున్నారు.
