భర్త ప్రేమ తగ్గిందనే ఆవేదన.. కేపీహెచ్‌బీ చిన్నారి హత్య, దంపతుల ఆత్మహత్య కేసులో కొత్త కోణం!

హైదరాబాద్ కేపీహెచ్‌బీలో చిన్నారిని హత్య చేసి దంపతులు ఆత్మహత్య చేసుకున్న ఘటన దర్యాప్తులో కొత్త విషయాలు వెలుగులోకి వస్తున్నాయి.

భర్త తనను మునుపటిలా ప్రేమించడం లేదని, పట్టించుకోవడం లేదని సమత తన డైరీలో ఆవేదన వ్యక్తం చేసినట్లు సమాచారం. తమ బంధంలో తన వైపు నుంచే ప్రేమ ఉందని ఆమె రాసుకున్నట్లు తెలుస్తోంది.

బెంగాలీలో రాసిన డైరీని కుటుంబ సభ్యుల సహాయంతో పోలీసులు చదివినట్లు సమాచారం.

దంపతుల మధ్య విభేదాలు ఈ ఘటనకు కారణమై ఉండొచ్చని పోలీసులు అనుమానిస్తున్నారు. అసలు కారణాలపై దర్యాప్తు కొనసాగుతోంది.