🗳️ ఏపీలో మొదలైన ‘పుర పోరు’.. 92 పట్టణ సంస్థల్లో పోలింగ్ ప్రారంభం!

ఆంధ్రప్రదేశ్‌లో మున్సిపల్ ఎన్నికల పోలింగ్ ప్రారంభమైంది. రాష్ట్రవ్యాప్తంగా 13 మున్సిపల్ కార్పొరేషన్లు, 73 మున్సిపాలిటీలు, 6 నగర పంచాయతీలు కలిపి మొత్తం 92 పట్టణ స్థానిక సంస్థల్లో ఉదయం 7 గంటల నుంచి సాయంత్రం 5 గంటల వరకు ఓటింగ్ కొనసాగనుంది.

మొత్తం 100 పట్టణ సంస్థలకు ఎన్నికలు ప్రకటించగా, 8 చోట్ల పూర్తిగా ఏకగ్రీవం కావడంతో మిగిలిన 92 చోట్ల పోలింగ్ జరుగుతోంది. 87 మున్సిపాలిటీలు, నగర పంచాయతీల్లో 17 చైర్‌పర్సన్ స్థానాలు ఏకగ్రీవం అయ్యాయి.

కార్పొరేషన్లలో 118 వార్డులు, మున్సిపాలిటీలు–నగర పంచాయతీల్లో 637 వార్డులు ఏకగ్రీవం కాగా, పోలింగ్ కోసం రాష్ట్రవ్యాప్తంగా 11,378 కేంద్రాలు ఏర్పాటు చేశారు.