⚡ సీఎం హెచ్చరికల నేపథ్యంలో చర్య.. యాదాద్రి పవర్‌ స్టేషన్‌ చీఫ్‌ ఇంజినీర్‌ సస్పెండ్‌!
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
విద్యుదుత్పత్తి పెంపునకు సంబంధించిన పనుల్లో నిర్లక్ష్యం, పర్యవేక్షణ లోపాల ఆరోపణలపై యాదాద్రి థర్మల్‌ పవర్‌ స్టేషన్‌ స్టేజ్‌–1 చీఫ్‌ ఇంజినీర్‌ బి. సురేశ్‌ను సస్పెండ్‌ చేశారు.
శాఖాపరమైన విచారణ పెండింగ్‌లో ఉండగా.. తక్షణమే సస్పెన్షన్‌ అమల్లోకి వచ్చేలా టీజీ జెన్‌కో చర్యలు తీసుకుంది. పనుల ప్రణాళిక, పర్యవేక్షణ, ప్రాధాన్య పనుల అమలులో లోపాలు సమీక్షల్లో గుర్తించినట్లు పేర్కొంది.
రైతుల పంటలను కాపాడేందుకు నిరంతర విద్యుత్‌ సరఫరా ఇవ్వాలని సీఎం రేవంత్‌రెడ్డి ఇటీవల ఆదేశించారు. విధుల్లో నిర్లక్ష్యం తేలితే విద్యుత్‌ శాఖ ప్రత్యేక ప్రధాన కార్యదర్శి, జెన్‌కో సీఎండీ సహా ఐఏఎస్‌ అధికారులనూ సస్పెండ్‌ చేస్తామని హెచ్చరించారు.
ఆ హెచ్చరికల నేపథ్యంలో ఇప్పుడు చీఫ్‌ ఇంజినీర్‌పై సస్పెన్షన్‌ చర్య తీసుకున్నారు.
