🚨 సర్వే నివేదికకు రూ.20 లక్షల లంచం.. ఏసీబీ వలలో తహసీల్దార్‌, సర్వేయర్‌!
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
రంగారెడ్డి జిల్లా అబ్దుల్లాపూర్‌మెట్‌ మండల తహసీల్దార్‌ బి. సుదర్శన్‌ రెడ్డి, మండల సర్వేయర్‌ బటుక శ్రీనివాసులును లంచం కేసులో పట్టుకున్నట్లు ఏసీబీ తెలిపింది.
హెచ్‌ఎండీఏ నిబంధనల ప్రకారం లేఅవుట్‌కు సర్వే నిర్వహించి, జాయింట్‌ ఇన్‌స్పెక్షన్‌ సర్వే నివేదిక ఇచ్చేందుకు తొలుత రూ.30 లక్షలు డిమాండ్‌ చేసి.. తర్వాత రూ.20 లక్షలకు తగ్గించినట్లు ఏసీబీ పేర్కొంది.
తహసీల్దార్‌ సూచనల మేరకు ఫిర్యాదుదారుడి నుంచి రూ.20 లక్షలు తీసుకుంటుండగా సర్వేయర్‌ను పట్టుకున్నట్లు వెల్లడించింది. లంచం మొత్తాన్ని స్వాధీనం చేసుకున్నామని, కేసు దర్యాప్తులో ఉందని తెలిపింది.
📞 ప్రభుత్వ ఉద్యోగి లంచం అడిగితే 1064కు ఫిర్యాదు చేయండి. ఫిర్యాదుదారుల వివరాలను గోప్యంగా ఉంచుతామని ఏసీబీ పేర్కొంది.
