శంషాబాద్‌లో ఇండిగో ఫ్లైట్‌కు బాంబు బెదిరింపు.. 47 మంది విద్యార్థులతో వచ్చిన విమానంలో కలకలం!

అహ్మదాబాద్ నుంచి హైదరాబాద్‌కు వచ్చిన ఇండిగో విమానానికి బాంబు బెదిరింపు రావడంతో శంషాబాద్ రాజీవ్ గాంధీ అంతర్జాతీయ విమానాశ్రయంలో కలకలం రేగింది.

విమానంలో హైదరాబాద్‌కు చెందిన 47 మంది విద్యార్థులు ఉన్నట్లు సమాచారం. ఓ విద్యార్థి విమానంలో బాంబు ఉందని చెప్పడంతో అప్రమత్తమైన అధికారులు ప్రయాణికులను వెంటనే దింపి, విమానాన్ని ఐసోలేషన్ బేకు తరలించారు.

బాంబ్ డిస్పోజల్, డాగ్ స్క్వాడ్ బృందాలు విమానాన్ని క్షుణ్ణంగా తనిఖీ చేస్తున్నాయి. బెదిరింపు వెనుక అసలు కారణమేంటన్న దానిపై అధికారులు విచారణ చేపట్టారు.