“మోదీతో వంద విభేదాలు ఉన్నా.. దేశాన్ని అవమానిస్తే ఊరుకోను” — ఒవైసీ

ప్రధాని నరేంద్ర మోదీతో తనకు ఎన్నో రాజకీయ విభేదాలు ఉన్నప్పటికీ, భారత్‌ను లేదా దేశ ప్రధానమంత్రి పదవిని విదేశీయులు అవమానించేలా మాట్లాడితే సహించబోనని AIMIM అధినేత, హైదరాబాద్ ఎంపీ అసదుద్దీన్ ఒవైసీ స్పష్టం చేశారు.

“మనకు ఒక గోరా వచ్చి షరతులు విధించలేడు. భారత్ తన నిర్ణయాలను తానే తీసుకుంటుంది. ప్రపంచంలోనే అత్యంత చౌకగా ఇంటర్నెట్ డేటా అందుతున్న దేశాల్లో భారత్ ఒకటి” అంటూ వ్యాఖ్యానించారు.

స్టార్‌లింక్ వ్యవహారంపై ఎలాన్ మస్క్ చేసిన వ్యాఖ్యల నేపథ్యంలో ఒవైసీ స్పందన రాజకీయ వర్గాల్లో చర్చనీయాంశంగా మారింది.