పిల్లల కళ్లెదుటే భార్యపై కత్తితో దాడి.. బద్వేల్లో దారుణ హత్య

బద్వేల్లోని సిద్ధవటం రోడ్డులో CSI చర్చి ఎదురుగా శుక్రవారం మధ్యాహ్నం దారుణ ఘటన చోటుచేసుకుంది. కడప విశ్వనాథపురానికి చెందిన సమ్మెట ప్రవల్లిక (28) హత్యకు గురైంది.

ప్రవల్లికపై ఆమె భర్త సాయిబాబా పిల్లల కళ్లెదుటే కత్తితో దాడి చేసినట్లు ప్రాథమిక సమాచారం. తీవ్ర గాయాలతో ఆమె మృతి చెందింది.

2023లో పెద్దల ఇష్టానికి వ్యతిరేకంగా ప్రేమ వివాహం చేసుకున్న ఈ దంపతులు, కొంతకాలంగా మనస్పర్థల కారణంగా విడిగా ఉంటున్నట్లు తెలుస్తోంది.

ఘటనపై పోలీసులు కేసు నమోదు చేసి హత్యకు దారితీసిన కారణాలు, కుటుంబ విభేదాలపై దర్యాప్తు చేపట్టారు.