అక్రమ కట్టడాలపై GHMC ఉక్కుపాదం.. 473 నిర్మాణాలు రాడార్‌లో!
హైదరాబాద్‌లో అనుమతుల్లేకుండా నిర్మించిన భవనాలు, sanctioned planకు విరుద్ధంగా సాగుతున్న నిర్మాణాలపై GHMC చర్యలు ముమ్మరం చేసింది. నగరంలోని మూడు ప్రాంతాల్లో శుక్రవారం కూల్చివేతలు చేపట్టింది.
బేగంబజార్–ఫీల్‌ఖానా ప్రాంతంలో 70 గజాల స్థలంలో నిర్మించిన సెల్లార్, గ్రౌండ్ ఫ్లోర్‌తో పాటు ఆరు అంతస్తుల అక్రమ నిర్మాణంపై చర్యలు తీసుకున్నారు. రెడ్ హిల్స్‌లో అనుమతి లేకుండా నిర్మించిన 3, 4, 5వ అంతస్తులు, చిక్కడపల్లిలో నాలుగో అంతస్తుపై కూల్చివేతలు చేపట్టారు.
GHMC ప్రాథమిక అంచనా ప్రకారం నగరవ్యాప్తంగా 473 నిర్మాణాలు అనధికారంగా లేదా అనుమతించిన ప్లాన్‌కు విరుద్ధంగా కొనసాగుతున్నట్లు గుర్తించారు. వీటికి నోటీసులు జారీ చేయడం, speaking orders ఇవ్వడం కొనసాగుతోంది.
అక్రమ నిర్మాణాలపై కూల్చివేతలు లేదా సీలింగ్ చర్యలకు సమగ్ర యాక్షన్ ప్లాన్ సిద్ధం చేస్తున్నట్లు GHMC తెలిపింది. నగరంలోని అన్ని జోన్లలో enforcement కొనసాగుతుందని స్పష్టం చేసింది.
