హీరా గ్రూప్ బాధితులకు ఊరట దిశగా పెద్ద అడుగు.. రూ.103.26 కోట్ల ఆస్తుల రిజిస్ట్రేషన్ పూర్తి!
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
హీరా గ్రూప్ కేసులో ఎన్‌ఫోర్స్‌మెంట్ డైరెక్టరేట్ (ED) కీలక ముందడుగు వేసింది. హైదరాబాద్ బంజారాహిల్స్‌లోని కార్వీ సెంటర్, నైనా టవర్స్ సహా వేలంలో విక్రయించిన 9 ఆస్తుల రిజిస్ట్రేషన్‌ను పూర్తి చేసింది. వీటి మొత్తం విలువ రూ.103.26 కోట్లు.
హీరా గ్రూప్ సంస్థలు అధిక వార్షిక రాబడులు ఇస్తామని హామీ ఇచ్చి ప్రజల నుంచి రూ.5,978 కోట్లకు పైగా పెట్టుబడులు సేకరించి, అనంతరం చెల్లింపుల్లో విఫలమైనట్లు ED దర్యాప్తులో వెల్లడైంది.
సుప్రీంకోర్టు ఆదేశాల మేరకు నిర్వహించిన వేలం ద్వారా వచ్చిన నిధులను అసలైన బాధితులు, క్లెయిమెంట్లకు తిరిగి చెల్లించేందుకు SFIOకు బదిలీ చేయనున్నట్లు ED తెలిపింది. మిగిలిన అటాచ్‌డ్ ఆస్తుల వేలం ప్రక్రియ కూడా కొనసాగనుంది.
