నర్సాపురం వద్ద భారీగా చేపల మృతి

పశ్చిమగోదావరి జిల్లా నర్సాపురం వద్ద వశిష్ఠ గోదావరిలో పెద్ద సంఖ్యలో చేపలు మృత్యువాత పడ్డాయి. పడవపై గోదావరిలో పర్యటించిన ప్రభుత్వ విప్ బొమ్మిడి నాయకర్.. తేలియాడుతున్న చేపలను పరిశీలించారు. ఆక్వా కంపెనీల వ్యర్థాల వల్లే నది కలుషితమై చేపలు చనిపోతున్నాయని మండిపడ్డారు. కలెక్టర్, మత్స్యశాఖ అధికారులతో ఫోన్లో మాట్లాడిన ఆయన.. కారణమైన కంపెనీలపై చర్యలు తీసుకోవాలని ఆదేశించారు.