నెల్లూరులో గంజాయి సాగు పట్టివేత

నెల్లూరు జిల్లా దుత్తలూరు సమీపంలో స్పెషల్ పార్టీ పోలీసులు అక్రమ గంజాయి సాగును రట్టు చేశారు. మొక్కజొన్న తోటలో రెండెకరాల్లో సాగు చేసిన 1731 గంజాయి మొక్కలను గుర్తించి, ప్రధాన నిందితుడు సుబ్బారెడ్డితో పాటు మరో ఐదుగురిని అదుపులోకి తీసుకున్నట్లు ఎస్పీ అజితా వెజెండ్ల తెలిపారు. ఇక్కడి నుంచి చెన్నై, బెంగళూరు, ఢిల్లీ లాంటి ప్రాంతాలకు గంజాయి విక్రయిస్తున్నారని, పరారీలో ఉన్న మరో ముగ్గురి కోసం గాలిస్తున్నామని ఆమె చెప్పారు.