దేవీ చౌక్‌లో శరన్నవరాత్రి ఉత్సవాలు

తూర్పుగోదావరి జిల్లా రాజమహేంద్రవరం దేవీచౌక్‌లో 93వ శరన్నవరాత్రి మహోత్సవాలు అంగరంగ వైభవంగా జరుగుతున్నాయి. ఆరో రోజు సరస్వతి దేవి అలంకారంలో బాలా త్రిపుర సుందరి భక్తులకు దర్శనమిస్తున్నారు. మూలా నక్షత్రం కావడంతో ఉదయం నుంచి వేలాది మంది మహిళలు కుంకుమ పూజలు, ప్రత్యేక అర్చనలు నిర్వహిస్తున్నారు. మైసూర్‌ దసరాను తలపించేలా జరుగుతున్న వేడుకల్లో భక్తులకు ఎలాంటి ఇబ్బందులు కలగకుండా కమిటీ సభ్యులు, పోలీసులు భారీ ఏర్పాట్లు చేశారు.