ఏపీ పట్టణ పోరుకు కూటమి లెక్క ఫిక్స్.. టీడీపీ 89, జనసేన 25, బీజేపీ 9!

ఆంధ్రప్రదేశ్‌లో జరగనున్న పట్టణ స్థానిక సంస్థల ఎన్నికలకు టీడీపీ–జనసేన–బీజేపీ కూటమి సీట్ల పంపకం ఖరారైంది.

మొత్తం 17 మున్సిపల్ కార్పొరేషన్లలో టీడీపీ 11, జనసేన 4, బీజేపీ 2 చోట్ల పోటీ చేయనున్నాయి.

అలాగే 106 మున్సిపాలిటీలు, నగర పంచాయతీల్లో టీడీపీకి 78, జనసేనకు 21, బీజేపీకి 7 కేటాయించారు.

దీంతో మొత్తం 123 పట్టణ స్థానిక సంస్థల్లో టీడీపీ 89, జనసేన 25, బీజేపీ 9 చోట్ల బరిలో నిలవనున్నాయి.

జనసేనకు శ్రీకాకుళం, కాకినాడ, ఏలూరు, విజయవాడ కార్పొరేషన్లు దక్కగా, బీజేపీకి రాజమండ్రి, అనంతపురం కేటాయించారు. మిగిలిన 11 కార్పొరేషన్లలో టీడీపీ పోటీ చేయనుంది.