పిల్లలు పుట్టాలంటే ఇలా చేయాలా?.. వైరల్ వీడియోపై నెట్టింట కొత్త చర్చ!

పిల్లలు లేని దంపతులకు సంతానం కలుగుతుందనే నమ్మకంతో ‘గంగాధర పట్టడం’ పేరుతో ఓ పూజ నిర్వహిస్తున్న దృశ్యాలు సోషల్ మీడియాలో వైరల్ అవుతున్నాయి.

ఇది గోదావరి జిల్లాల్లో కొనసాగుతున్న ఆచారమంటూ వీడియోతో పాటు ప్రచారం జరుగుతోంది. అయితే ఈ పద్ధతి నిజంగా ఎంత విస్తృతంగా అమల్లో ఉంది, వీడియో ఎక్కడిదన్న వివరాలు స్పష్టంగా తెలియాల్సి ఉంది.

“సంతానం కలగడాన్ని ఇలాంటి ఆచారాలతో ముడిపెట్టడం ఏంటి?” అంటూ పలువురు నెటిజన్లు ప్రశ్నిస్తుండగా, మరికొందరు దీనిని స్థానిక విశ్వాసాలు, సంప్రదాయాల్లో భాగంగా చూస్తున్నారు.

అయితే ఇలాంటి పూజలు చేస్తే సంతానం కలుగుతుందనే విషయానికి శాస్త్రీయ ఆధారం లేదు. సంతాన సమస్యలకు వైద్యపరంగా అనేక కారణాలు ఉండొచ్చు.