డ్రగ్స్‌కు దూరంగా.. క్రీడలకు దగ్గరగా ఉండాలి : యువతకు పల్లపు గోవర్ధన్ పిలుపు

“దేశ భవిష్యత్ యువత చేతుల్లోనే ఉంది.. చెడు వ్యసనాలకు దూరంగా ఉండి క్రీడల వైపు అడుగులు వేయాలి” అని భాగ్యనగర్ ఉత్సవ సమితి కార్యదర్శి, ఖైరతాబాద్ నియోజకవర్గ సీనియర్ నేత పల్లపు గోవర్ధన్ అన్నారు.

ఫిలింనగర్‌లో నిర్వహించిన దసరా పీజీ క్రికెట్ టోర్నమెంట్ ముగింపు, ట్రోఫీ ప్రదానోత్సవంలో ఆయన ముఖ్య అతిథిగా పాల్గొన్నారు.

యువతను ప్రోత్సహించేందుకు ప్రతి ఏడాది క్రికెట్ టోర్నమెంట్లు నిర్వహిస్తున్నామని తెలిపారు. క్రీడల్లో పాల్గొనడం వల్ల యువతలో సానుకూల ఆలోచనలు పెరుగుతాయని, గంజాయి, డ్రగ్స్ వంటి వ్యసనాలకు దూరంగా ఉండాలని సూచించారు.

ఈ సందర్భంగా విజేత క్రీడాకారులకు ట్రోఫీలు, నగదు పురస్కారాలు అందజేసి సత్కరించారు.