గుంటూరు జిల్లా తెనాలిలో ఎన్నికల నేపథ్యంలో పోలీసులు ఫ్లాగ్ మార్చ్ చేపట్టారు.

తెనాలి డీఎస్పీ జనార్ధనరావు ఆధ్వర్యంలో ఐతానగర్ ప్రాంతంలో పోలీసు సిబ్బంది ఈ మార్చ్ నిర్వహించారు.

ఎన్నికల సమయంలో సమస్యాత్మక ప్రాంతాలపై ప్రత్యేక దృష్టి సారిస్తూ, ప్రజల్లో భద్రతాభావాన్ని పెంపొందించేందుకు ఈ ఫ్లాగ్ మార్చ్ నిర్వహించారు.

ఓటర్లు ఎలాంటి భయాందోళనలకు గురికాకుండా తమ ఓటు హక్కును స్వేచ్ఛగా, నిర్భయంగా వినియోగించుకోవాలని పోలీసులు భరోసా కల్పించారు.

ఎన్నికలు ప్రశాంతంగా, పారదర్శకంగా జరిగేలా పోలీసు శాఖ అప్రమత్తంగా వ్యవహరిస్తోందని డీఎస్పీ జనార్ధనరావు వెల్లడించారు.