“కళ బతకాలంటే కళాకారుడు బతకాలి”.. కళాకారుల కోసం మాజీమంత్రి పొన్నాల లక్ష్మయ్య కీలక పిలుపు

హైదరాబాద్ ఫిలిం ఛాంబర్‌లో శ్రీ అను మ్యూజిక్ అకాడమీ వార్షికోత్సవం సందర్భంగా “కళ బతకాలి.. కళాకారులు నిలవాలి” పేరుతో ప్రత్యేక కార్యక్రమం నిర్వహించారు.

ఈ సందర్భంగా మాజీ మంత్రి పొన్నాల లక్ష్మయ్య మాట్లాడుతూ, సమాజంలోని సంక్లిష్ట విషయాలను కూడా సాధారణ ప్రజలకు అర్థమయ్యేలా చెప్పగల శక్తి కళాకారులకు ఉందన్నారు. కళాకారుల సంక్షేమానికి ప్రభుత్వం మాత్రమే కాకుండా, ప్రైవేట్ సంస్థలు కూడా CSR నిధులతో ముందుకు రావాలని సూచించారు.

కార్యక్రమంలో పద్మశ్రీ 12 మెట్ల కిన్నెర కళాకారుడు దర్శనం మొగులయ్యతో పాటు వివిధ రంగాలకు చెందిన ఆరుగురు కళాకారులను సత్కరించి నగదు ప్రోత్సాహకాలు అందజేశారు.