19 ఏళ్ల బీటెక్ విద్యార్థిని హాస్టల్‌లో మృతి.. కండ్లకోయలో విషాదం

హైదరాబాద్ మేడ్చల్ పోలీస్ స్టేషన్ పరిధిలోని కండ్లకోయలో విషాద ఘటన చోటుచేసుకుంది.

సీఎంఆర్ ఐటీ ఇంజినీరింగ్ కాలేజీలో బీటెక్ సెకండ్ ఇయర్ చదువుతున్న అక్షయ (19) హాస్టల్ గదిలో అనుమానాస్పద స్థితిలో మృతి చెందినట్లు సమాచారం.

శనివారం ఆమె గదిలో ఉండటాన్ని గమనించిన తోటి విద్యార్థులు హాస్టల్ నిర్వాహకులకు సమాచారం అందించారు. అనంతరం పోలీసులు ఘటనాస్థలికి చేరుకుని వివరాలు సేకరించి, మృతదేహాన్ని పోస్టుమార్టం కోసం గాంధీ ఆసుపత్రికి తరలించారు.

అనుమానాస్పద మృతిగా కేసు నమోదు చేసిన పోలీసులు, కారణాలపై దర్యాప్తు చేపట్టారు.