ఎండిన పంటలతో రైతుల ఆవేదన

మహబూబ్‌నగర్ జిల్లాలో వర్షాభావ పరిస్థితులు, కరెంట్ కోతలతో అన్నదాతలు తీవ్రంగా కుదేలవుతున్నారు. సాగునీరు సరిగ్గా అందకపోవడంతో చేతికొచ్చే దశలో ఉన్న వరి పంటలు పూర్తిగా ఎండిపోతున్నాయి. అప్పు చేసి పంటలు వేస్తే గింజ కూడా చేతికి వచ్చే పరిస్థితి లేదని రైతులు కన్నీరుమున్నీరవుతున్నారు. చేసేదేమీ లేక ఎండిన పంటలను పశువుల మేతకు వదిలేస్తున్నామని, ప్రభుత్వం పరిహారం ఇచ్చి ఆదుకోవాలని వేడుకుంటున్నారు.