నిజామాబాద్ జిల్లాలో తగ్గనున్న పసుపు సాగు

నిజామాబాద్ జిల్లాలో పచ్చ బంగారం పసుపు సాగు విస్తీర్ణం ఈసారి భారీగా తగ్గే అవకాశం కనిపిస్తోంది. ఎల్నినో ప్రభావంతో వాతావరణంలో మార్పులు రావడంతో రైతులు పసుపు సాగు చేసేందుకు వెనుకడుగు వేస్తున్నారు. ప్రధానంగా సాగు చేసే అంకాపూర్ ప్రాంతంలోనూ ఆరు తడి పంటలకే రైతులు మొగ్గు చూపుతున్నారు. పసుపుకు బదులుగా సోయాబీన్, మొక్కజొన్న సాగుపై దృష్టి సారించడంతో దిగుబడిపై తీవ్ర ప్రభావం పడనుంది.