అమ్మను కాపాడేందుకు అడ్డొచ్చిన కొడుకు.. కత్తిపోట్లకు బలైన 20 ఏళ్ల యువకుడు

ఆస్తి పత్రాలపై సంతకం కోసం మొదలైన వాగ్వాదం.. చివరకు 20 ఏళ్ల యువకుడి ప్రాణం తీసింది. హైదరాబాద్ పాతబస్తీలోని హుస్సేనీ ఆలం పోలీస్ స్టేషన్ పరిధి కబూతర్ ఖానా ప్రాంతంలో మధుర్ సింగ్ అనే యువకుడు కత్తిపోట్లకు గురై మృతి చెందాడు.

కుటుంబ సభ్యుల వివరాల ప్రకారం, ఆస్తికి సంబంధించిన పత్రాలపై మధుర్ తల్లి మనీషా సంతకం చేయాలని కొందరు ఒత్తిడి చేసినట్లు సమాచారం. ఆమె నిరాకరించడంతో వాగ్వాదం చెలరేగగా, తల్లిని రక్షించేందుకు మధుర్ అడ్డుకోవడంతో అతనిపై కత్తితో దాడి చేసినట్లు ఆరోపిస్తున్నారు.

తీవ్ర గాయాలపాలైన మధుర్ చికిత్స పొందుతూ మృతి చెందాడు. ఘటనపై పోలీసులు కేసు నమోదు చేసి దర్యాప్తు ప్రారంభించారు.