పాఠశాలకు వెళ్తున్న టీచర్‌ను బలిగొన్న పేలుడు.. అల్లూరి జిల్లాలో ఐదుగురు మృతి

అల్లూరి సీతారామరాజు జిల్లా అనంతగిరి మండలం పినకోట సమీపంలో జిలెటిన్ స్టిక్స్ పేలడంతో ఐదుగురు మృతి చెందారు. మృతుల్లో పాఠశాలకు వెళ్తున్న ఉపాధ్యాయురాలు సునీత, డ్రైవర్‌తో పాటు ముగ్గురు కార్మికులు ఉన్నట్లు సమాచారం.

రోడ్డు విస్తరణ పనుల్లో కొండను తొలగించేందుకు తీసుకువచ్చిన పేలుడు పదార్థాలు ప్రమాదవశాత్తు పేలినట్లు ప్రాథమికంగా తెలుస్తోంది. పేలుడు తీవ్రతకు రెండు వాహనాలు పూర్తిగా ధ్వంసమయ్యాయి.

ఘటనాస్థలికి పోలీసులు, రెవెన్యూ అధికారులు చేరుకుని సహాయక చర్యలు చేపట్టారు. పేలుడుకు ఖచ్చితమైన కారణం ఏమిటన్న దానిపై విచారణ కొనసాగుతోంది.