అనంతగిరి మైనింగ్ ప్రాంతంలో పేలుడు ఘటనపై హోంమంత్రి ఆరా

అల్లూరి జిల్లా అనంతగిరి మండలం పినకోట మైనింగ్ ప్రాంతంలో జరిగిన పేలుడు ఘటనపై హోంమంత్రి అనిత స్పందించారు.. ఈ ఘటనపై అల్లూరి జిల్లా కలెక్టర్, ఎస్పీతో ఆమె ఫోన్‌లో మాట్లాడి వివరాలు ఆరా తీశారు. పేలుడు ఘటనలో మృతి చెందిన వారి కుటుంబాలకు ఆమె తీవ్ర సంతాపం తెలిపారు. గాయపడిన వారికి మెరుగైన వైద్యం అందించాలని.. బాధితులకు తక్షణ సహాయ సహకారాలు అందించాలని అధికారులను ఆదేశించారు. ప్రమాద బాధిత కుటుంబాలకు ప్రభుత్వం అండగా ఉంటుందని స్పష్టం చేశారు.