మారేడుమిల్లిలో మంచు మాయాజాలం.. చావడికోట హిల్స్ సందడి

అల్లూరి సీతారామరాజు జిల్లా మారేడుమిల్లిలో చావడికోట హిల్స్ సరికొత్త పర్యాటక కేంద్రంగా వెలుగులోకి వస్తోంది.

వంజంగి మేఘాలకు దీటుగా, అరకు అందాలకు పోటీగా కొండల మధ్య తెల్లని మేఘాల పరవళ్లు పర్యాటకులను మంత్రముగ్ధులను చేస్తున్నాయి.

శీతాకాలం సమీపిస్తుండటంతో ఏజెన్సీ ప్రకృతి అందాలు మరింత ఆకర్షణీయంగా మారాయి.

గుడిసె పర్యాటకం నిలిచిపోవడంతో పర్యాటకుల చూపు చావడికోట హిల్స్ వైపు మళ్లింది.

తెల్లవారుజామునే కొండలపైకి చేరుకుంటున్న సందర్శకులు మంచు అందాలను సెల్‌ఫోన్లు, కెమెరాల్లో బంధిస్తూ సందడి చేస్తున్నారు.

ప్రకృతి ఒడిలో మేఘాల విహారం, మంచు తెరల్లో కొండల అందాలు పర్యాటకులకు కనువిందు చేస్తున్నాయి.