పులివెందుల డీఎస్పీపై హైకోర్టులో అవినాష్ రెడ్డి పిటిషన్

పులివెందుల డీఎస్పీ మురళీ నాయక్‌ను ఎన్నికల విధుల నుంచి తప్పించాలని వైసీపీ ఎంపీ అవినాష్ రెడ్డి ఏపీ హైకోర్టులో పిటిషన్ వేశారు. ఆయన డీఎస్పీగా ఉంటే ఎన్నికలు స్వేచ్ఛగా జరగవని.. ఈ నెల 19న వినతిపత్రం ఇచ్చినా ఎస్ఈసీ చర్యలు తీసుకోలేదని పిటిషన్‌లో పేర్కొన్నారు. దీనిపై విచారణ జరిపిన హైకోర్టు.. మురళీ నాయక్ వ్యవహారంలో పూర్తి వివరాలు తమ ముందుంచాలని ఎన్నికల సంఘాన్ని ఆదేశించింది. తదుపరి విచారణను హైకోర్టు రేపటికి వాయిదా వేసింది.