ఎన్నికల నిర్వహణపై పేర్ని నాని తీవ్ర ఆగ్రహం

స్థానిక సంస్థల ఎన్నికల నిర్వహణలో చంద్రబాబు ప్రభుత్వం ఘోరంగా విఫలమైందని తాడేపల్లిలో మాజీ మంత్రి పేర్ని నాని విమర్శించారు. ఎంపీటీసీ, జడ్పీటీసీ నామినేషన్లలో నిన్న 76, ఇవాళ 65 మంది తలలు పగలగొట్టారని.. నామినేషన్లు వేయనివ్వని చోట ఆన్‌లైన్ అవకాశం ఇవ్వాలని డిమాండ్ చేశారు. 19 చోట్ల ఎన్నికలు ఆపితే చంద్రబాబు తలకాయ ఎక్కడో పెట్టుకోవాలని 100 చోట్ల ఆపేశారని ఆరోపించారు. లోకేష్ చెప్పిన 15 శాతం సీట్లలోనే జనసేన పోటీ చేస్తోందని.. చంద్రబాబు, పవన్, మాధవ్ కలిసి బీజేపీ, జనసేన కార్యకర్తలను మోసం చేశారన్నారు.