వచ్చే నెలలో తెలంగాణ బీజేపీ భారీ ర్యాలీలు

ప్రజాస్వామ్యాన్ని రక్షిద్దాం.. విద్రోహులను తరిమికొడదాం అనే నినాదంతో ప్రజల్లోకి వెళ్తామని బీజేపీ ప్రధాన కార్యదర్శి గౌతమ్ రావు తెలిపారు. బీజేపీ నేతల సమావేశం అనంతరం ఆయన మాట్లాడుతూ.. వచ్చే నెల 1న హైదరాబాద్‌లో, 3న కరీంనగర్‌లో 10 వేల మందితో ర్యాలీలు నిర్వహిస్తామన్నారు. కరీంనగర్ ర్యాలీలో స్మృతి ఇరానీ పాల్గొంటారని.. హైదరాబాద్‌కు వచ్చే జాతీయ నేతల పేర్లు ఒకటి రెండు రోజుల్లో చెబుతామన్నారు. కాంగ్రెస్ యువతను తప్పుదోవ పట్టిస్తోందని.. అందుకే అన్ని జిల్లా కేంద్రాల్లో ర్యాలీలు, యువతతో కార్యక్రమాలు చేస్తామన్నారు.