ఏపీ ఇంటర్ పరీక్షల తేదీలు ఖరారు

ఏపీలో 2027 ఫిబ్రవరి 24 నుంచి మార్చి 16 వరకు ఇంటర్ థియరీ పరీక్షల తాత్కాలిక షెడ్యూల్‌ను బోర్డు విడుదల చేసింది. ఉదయం 9 నుంచి మధ్యాహ్నం 12 గంటల వరకు జరిగే ఈ పరీక్షలు.. ఫిబ్రవరి 24న ఫస్టియర్, 25న సెకండియర్ భాషా పేపర్లతో ప్రారంభమవుతాయి. జనవరి 27న ఎథిక్స్ అండ్ హ్యూమన్ వాల్యూస్, 29న ఎన్విరాన్‌మెంటల్ ఎడ్యుకేషన్, ఫిబ్రవరి 17న ఎన్‌ఎస్‌క్యూఎఫ్ థియరీ పరీక్ష జరుగుతుంది. ఫిబ్రవరి 1 నుంచి 10 వరకు జనరల్, 15 వరకు ఒకేషనల్ ప్రాక్టికల్స్ ఉంటాయని.. సెలవులను బట్టి తేదీల్లో స్వల్ప మార్పులు ఉండొచ్చని బోర్డు తెలిపింది.