మక్కా–మదీనాలో 4,000 భారతీయ యాత్రికుల ఇబ్బందులు.. ప్రత్యేక విమానాలు ఏర్పాటు చేయాలన్న ఒవైసీ

మక్కా, మదీనాలో సుమారు 4,000 మంది భారతీయ యాత్రికులు విమానాల రద్దుతో చిక్కుకుపోయారని హైదరాబాద్ ఎంపీ, AIMIM అధినేత అసదుద్దీన్ ఒవైసీ తెలిపారు.

IndiGo, Akasa Air, Air India విమానాల్లో వెళ్లిన పలువురు యాత్రికుల రిటర్న్ ఫ్లైట్లు రద్దయ్యాయని పేర్కొంటూ, వారిని భారత్‌కు తీసుకురావడానికి పెద్ద విమానాలు నడిపేందుకు DGCA అనుమతి ఇవ్వాలని లేదా ప్రత్యేక విమానాలు ఏర్పాటు చేయాలని కోరారు.

కొంతమంది యాత్రికులను ట్రావెల్ ఏజెంట్లు పట్టించుకోవడం లేదని ఆరోపించిన ఒవైసీ, విదేశాంగ శాఖతో పాటు కేంద్ర ప్రభుత్వం తక్షణమే జోక్యం చేసుకుని అవసరమైన సహాయం అందించాలని విజ్ఞప్తి చేశారు.