దేవరగట్టులో కర్రల సమరం రక్తసిక్తం.. మృతులు 3కు పెరిగారు, 100 మందికి పైగా గాయాలు!

కర్నూలు జిల్లా హొళగుంద మండలం దేవరగట్టులో జరిగిన బన్ని ఉత్సవం విషాదంగా మారింది. సంప్రదాయ కర్రల సమరంలో ఇప్పటికే ఒకరు మృతి చెందగా, తాజాగా మరో ఇద్దరు మృతి చెందినట్లు సమాచారం. దీంతో మృతుల సంఖ్య 3కు చేరింది.

ఈ ఘటనలో 100 మందికి పైగా గాయపడగా, వారిలో 18 మంది పరిస్థితి విషమంగా ఉన్నట్లు తెలుస్తోంది. తీవ్రంగా గాయపడిన వారికి వివిధ ఆసుపత్రుల్లో చికిత్స అందిస్తున్నారు.

దసరా సందర్భంగా శ్రీ మాళ మల్లేశ్వరస్వామి ఉత్సవంలో ఏటా జరిగే ఈ సంప్రదాయ కర్రల సమరం మరోసారి ప్రాణనష్టానికి దారితీయడం ఆందోళన కలిగిస్తోంది.