పోచారం, ఎంపీ సురేష్‌పై ఏనుగు రవీందర్ రెడ్డి విమర్శలు

కామారెడ్డి జిల్లా బీర్కూర్‌లో కాంగ్రెస్ సీనియర్ నేత, మాజీ ఎమ్మెల్యే ఏనుగు రవీందర్ రెడ్డి మరోసారి హాట్ కామెంట్స్ చేశారు. తాను ఎక్కడికీ పోనని, బాన్సువాడ నుంచే పోటీ చేస్తానని స్పష్టం చేశారు. నామినేటెడ్ పదవుల కేటాయింపులో పోచారం శ్రీనివాస్ రెడ్డి నిరంకుశంగా వ్యవహరిస్తున్నారని.. మొదటి నుంచి పార్టీ జెండా మోసిన వారికి పదవులు ఇవ్వడం లేదని మండిపడ్డారు. పార్టీ కోసం కష్టపడుతున్న కార్యకర్తలను ఎంపీ సురేష్ షట్కర్ కూడా పట్టించుకోవడం లేదని.. పోచారంపై అధిష్ఠానానికి మరోసారి ఫిర్యాదు చేస్తానని చెప్పారు.