మహారాష్ట్ర మాలేగావ్ నిమజ్జన ఊరేగింపులో ఉద్రిక్తత

మహారాష్ట్రలోని మాలేగావ్ పట్టణంలో దుర్గా నిమజ్జన ఊరేగింపులో తీవ్ర ఉద్రిక్తత నెలకొంది. టిపూ సుల్తాన్ చౌక్ సమీపంలో ఊరేగింపులో చల్లిన గులాల్ ఓ ఇంటిపై పడటంతో దుర్గా మండలి సభ్యులు, కొందరు యువకుల మధ్య వివాదం చెలరేగింది. ఇరువర్గాల గొడవ తీవ్రమై రాళ్లదాడికి దిగడంతో వాహనాలు, ఇళ్లు ధ్వంసమయ్యాయి. రాళ్లదాడి చేసిన వారిని అరెస్ట్ చేసే వరకు ఊరేగింపు ఆపేస్తామని పోలీస్ స్టేషన్‌ను ముట్టడించడంతో.. పోలీసులు, ఎస్ఆర్పీఎఫ్, క్విక్ రెస్పాన్స్ టీమ్‌లు భారీగా మోహరించాయి.