కత్తిపూడి రోడ్డు ప్రమాదంపై మంత్రి మండిపల్లి దిగ్భ్రాంతి

కాకినాడ జిల్లా కత్తిపూడి వద్ద జరిగిన ఘోర రోడ్డు ప్రమాదంపై రవాణా శాఖ మంత్రి మండిపల్లి రాంప్రసాద్ రెడ్డి తీవ్ర దిగ్భ్రాంతి వ్యక్తం చేశారు. ఈ ఘటనలో నలుగురు భవానీ భక్తులు మృతి చెందడం అత్యంత బాధాకరమని.. వారి కుటుంబాలకు ప్రగాఢ సానుభూతి తెలిపారు. ప్రమాదంపై రవాణా అధికారులతో ఫోన్‌లో మాట్లాడిన మంత్రి.. క్షతగాత్రులకు మెరుగైన అత్యవసర వైద్య సేవలు అందించాలని ఆదేశించారు. భవానీ భక్తుల మృతి తీవ్రంగా కలచివేసిందని, మృతుల కుటుంబాలకు మనోధైర్యాన్ని ప్రసాదించాలని కోరారు.