అమలాపురంలో ఆకట్టుకున్న చెడి తాలింఖానా ఉత్సవాలు

అంబేద్కర్ కోనసీమ జిల్లా అమలాపురంలో దసరా ముగింపు వేడుకల్లో భాగంగా ఏడు వీధుల్లో చెడి తాలింఖానా ఉత్సవాలు ఆకట్టుకున్నాయి. వందల ఏళ్ల నాటి అగ్గి బరాట, కత్తి సాము, కర్ర సాముతో పాటు కళ్లకు గంతలు కట్టుకొని పొట్టపై కొబ్బరికాయలు, అరటికాయలు నరికే విన్యాసాలను చూసేందుకు జనం తరలివచ్చారు. రవణం వీధిలో మహిషాసుర మర్దిని అమ్మవారి మెడలో పూలదండ వేసేందుకు హైదరాబాద్ వాసి ఆకుల లక్ష్మణరావు లక్షా 53 వేల రూపాయలకు వేలంపాట పాడుకున్నారు. అనంతరం గుర్రం బండిపై వచ్చి అమ్మవారికి మొదటి పూలదండ వేశారు.