శ్రీకాళహస్తి ప్రాదేశిక ఎన్నికల నామినేషన్లలో హింస

తిరుపతి జిల్లా శ్రీకాళహస్తి ప్రాదేశిక ఎన్నికల నామినేషన్లలో హింసాత్మక ఘటనలు చోటుచేసుకున్నాయి. ఎంపీడీవో ఆఫీస్ వద్ద వైసీపీ ఎంపీటీసీ అభ్యర్థిపై దాడి, బైక్ దగ్ధం ఘటనలతో పాటు.. కోడ్ ఉల్లంఘించి బలప్రదర్శన చేసిన ఎంపీ గురుమూర్తి, ఎమ్మెల్సీ సిపాయి సుబ్రమణ్యం, మాజీ ఎమ్మెల్యే బియ్యపు మధుసూదన్ రెడ్డి, ఆయన పిల్లలు ఆకాష్ రెడ్డి, పవిత్రలపై కేసులు నమోదయ్యాయి. తొట్టంబేడులో వైసీపీ నేత ప్రభాకర్ రెడ్డి వాహనాన్ని ధ్వంసం చేసిన టీడీపీ నేత కాసారం రమేష్‌పై కేసు పెట్టగా.. పరస్పర దాడుల్లో పోలీసుల లాఠీచార్జితో వైసీపీ కార్యకర్తకు గాయాలయ్యాయి. అటు ఏర్పేడులోనూ గుర్తుతెలియని వ్యక్తులు ఆరు ఆటోలను ధ్వంసం చేశారు.