రేపు ప్రజాప్రతినిధులతో సీఎం రేవంత్ కీలక భేటీ

మంత్రులు, ఎంపీలు, ఎమ్మెల్యేలు, ఎమ్మెల్సీలతో సీఎం రేవంత్ రెడ్డి రేపు కీలక భేటీ నిర్వహించనున్నారు. డిప్యూటీ సీఎం భట్టి విక్రమార్క, టీపీసీసీ చీఫ్ మహేష్ కుమార్ గౌడ్ పాల్గొనే ఈ సమావేశంలో రాష్ట్రంలో ఎల్నినో పరిస్థితులు, ముందస్తు జాగ్రత్తలపై సమీక్షించనున్నారు. నవంబర్ 6తో పట్టభద్రుల ఓటరు నమోదు గడువు ముగియనుండటంతో.. ఆరు ఉమ్మడి జిల్లాల ప్రజాప్రతినిధులతో రెండు పట్టభద్రుల ఎమ్మెల్సీ ఎన్నికల కార్యాచరణపై చర్చిస్తారు. అలాగే ఎస్ఐఆర్‌కు వ్యతిరేకంగా నవంబర్ 1న ఢిల్లీలో ఇండీ కూటమి నిర్వహించే భారీ ర్యాలీకి కాంగ్రెస్ ప్రజాప్రతినిధులంతా హాజరయ్యేలా సీఎం దిశానిర్దేశం చేయనున్నారు.