SBI కస్టమర్ డేటా డార్క్‌వెబ్‌లో?.. 3.75 లక్షల రికార్డులపై సైబర్ అలర్ట్!
ClickTelugu ఈ-పేపర్ఈ వార్తను మా ఈ-పేపర్ ఫోటోగా డౌన్‌లోడ్ చేసి, ఎక్కడైనా షేర్ చేయండి
దేశంలోని అతిపెద్ద బ్యాంక్ SBIకి సంబంధించి కస్టమర్ డేటా డార్క్‌వెబ్‌లో కనిపించినట్లు అనుమానం వ్యక్తమైంది. ఈ విషయాన్ని SBI స్వయంగా స్టాక్ ఎక్స్చేంజీలకు ఇచ్చిన అధికారిక సమాచారంలో వెల్లడించింది.
ప్రాథమిక పరిశీలనలో డార్క్‌వెబ్‌లో సుమారు 3.75 లక్షల రికార్డులు కనిపించగా, అందులో 3,897 మంది కస్టమర్ల వ్యక్తిగత గుర్తింపు సమాచారం (PII) ఉన్నట్లు గుర్తించారు.
వాటిలో పేర్లు, మొబైల్ నంబర్లు, పుట్టిన తేదీలు, ఈమెయిల్ అడ్రస్‌లు, నివాస చిరునామాలు, బ్రాంచ్–CIF వివరాలు, లోన్/లీడ్ రికార్డులకు సంబంధించిన సమాచారం ఉన్నట్లు SBI తెలిపింది.
