“నన్ను వెంబడిస్తున్నారు” అన్న నాలుగు రోజులకే.. యువ లాయర్ గణేశ్ మృతి

ఖమ్మం జిల్లా రఘునాథపాలెం మండలం వీ. వెంకటాయపాలెంలో 27 ఏళ్ల యువ లాయర్ గణేశ్ మృతి తీవ్ర విషాదాన్ని మిగిల్చింది. ఏడాది నుంచి ఖమ్మం కోర్టులో జూనియర్ లాయర్‌గా పనిచేస్తున్న గణేశ్, సోమవారం రాత్రి అమ్మమ్మ ఇంటికి వెళ్లిన అనంతరం మృతిచెందినట్లు కుటుంబ సభ్యులు తెలిపారు.

గత నాలుగు రోజులుగా ఎవరో తనను వెంబడిస్తున్నారని, ఫోన్లు చేసి బెదిరిస్తున్నారని గణేశ్ చెప్పినట్లు అతని తండ్రి దానయ్య పోలీసులకు ఫిర్యాదు చేశారు.

మనసు మారుతుందనే ఉద్దేశంతో అమ్మమ్మ ఇంటికి పంపితే ఇలా జరిగిందంటూ కుటుంబ సభ్యులు కన్నీటిపర్యంతమయ్యారు. తండ్రి ఫిర్యాదు మేరకు పోలీసులు కేసు నమోదు చేసి, ఆ బెదిరింపు కాల్స్ ఎవరి నుంచి వచ్చాయి? గణేశ్‌ను ఎవరు వెంబడించారు? అన్న కోణాల్లో విచారణ చేపట్టారు.