కుప్పంలో టీడీపీ, వైసీపీ ఘర్షణ.. పోలీసుల లాఠీచార్జి

చిత్తూరు జిల్లా కుప్పం మున్సిపల్ కార్యాలయం వద్ద నామినేషన్ల స్క్రూటినీలో గందరగోళం నెలకొంది. వైసీపీ మున్సిపల్ అభ్యర్థి విజయ్‌ను కిడ్నాప్ చేశారనే ప్రచారంతో వైసీపీ, టీడీపీ శ్రేణులు నామినేషన్ సెంటర్ వద్దకు చేరుకుని కొట్టుకున్నాయి. పోలీసులు లాఠీచార్జి చేసి ఇరు వర్గాలను చెదరగొట్టగా.. గాయపడ్డ వారిని ఆసుపత్రికి తరలించారు. మరోవైపు తనను ఎవరూ కిడ్నాప్ చేయలేదని వైసీపీ అభ్యర్థి సెల్ఫీ వీడియో విడుదల చేశారు.