ఆదిలాబాద్‌ స్పిన్నింగ్ మిల్లులో అగ్నిప్రమాదం

ఆదిలాబాద్ జిల్లా కేంద్రంలోని అష్టలక్ష్మి స్పిన్నింగ్ మిల్లులో అగ్నిప్రమాదం జరిగింది. దారం తయారు చేసే మిషనరీలో సాంకేతిక లోపం తలెత్తడంతో ఒక్కసారిగా మంటలు చెలరేగాయి. ప్లాంట్లో దట్టమైన పొగ కమ్ముకోవడంతో భయాందోళనలకు గురైన కార్మికులు బయటకు పరుగులు తీశారు. సమాచారం అందుకున్న ఫైర్ సిబ్బంది గంట పాటు శ్రమించి మంటలను అదుపుచేశారు.