విద్యుత్ మోటార్ల దొంగల ముఠా అరెస్టు

ఖమ్మం జిల్లా పెనుబల్లి మండలంలో వ్యవసాయ విద్యుత్ మోటార్లు దొంగిలిస్తున్న అంతర్రాష్ట్ర ముఠాను పోలీసులు అరెస్టు చేశారు. రైతుల మోటార్లు చోరీ చేసిన ఏడుగురిపై కేసు నమోదు చేసి నలుగురిని రిమాండ్‌కు తరలించారు. పరారీలో ఉన్న మరో ముగ్గురి కోసం గాలిస్తున్నారు. నిందితుల నుంచి 2 లక్షల 80 వేల విలువైన 7 మోటార్లు, 200 మీటర్ల కేబుల్ వైర్లను పోలీసులు స్వాధీనం చేసుకున్నారు.