దాండియా వేడుకలో విషాదం.. విద్యార్థులపై కూలిన లైటింగ్ స్టాండ్, ఇద్దరు మృతి

రంగారెడ్డి జిల్లా నాదర్‌గుల్‌లోని MVSR ఇంజనీరింగ్ కాలేజీలో నిర్వహించిన దాండియా వేడుకలో ఘోర ప్రమాదం చోటుచేసుకుంది.

ఈదురుగాలుల కారణంగా భారీ లైటింగ్ స్టాండ్ ఒక్కసారిగా విద్యార్థులపై కూలిపోయింది. ప్రమాదంలో పలువురు విద్యార్థులు గాయపడగా, ఇద్దరు మృతి చెందినట్లు తాజా సమాచారం.

సుమారు 700 మంది విద్యార్థులు పాల్గొన్న కార్యక్రమంలో ఈ ఘటన జరగడంతో తీవ్ర కలకలం నెలకొంది. గాయపడిన వారిని సమీపంలోని ఆసుపత్రులకు తరలించి చికిత్స అందిస్తున్నారు.

ఘటనకు సంబంధించిన పూర్తి వివరాలు తెలియాల్సి ఉంది.