జమ్మూకశ్మీర్‌లో ఐఏఎస్ అధికారి వీరంగం.. మహిళా అధికారిపై బూతులు

జమ్మూకశ్మీర్‌లో ఐఏఎస్ అధికారి రాజీవ్ రంజన్ మహిళా అధికారిపై అనుచిత పదజాలంతో దూషించిన వీడియో వైరల్ అయింది.

వర్చువల్ మీటింగ్‌లో మహిళా జేకేఏఎస్ అధికారి మాట్లాడేందుకు ప్రయత్నించగా.. 'నోరు మూసుకో, బ్లడీ షిట్.. నేను నీ బాస్‌ని.. నీతో ఇలాగే మాట్లాడతాను' అంటూ రాజీవ్ రంజన్ కేకలు వేశారు.

ఆయన నోరు మూసుకోమని ఆదేశించినప్పటికీ ఆ మహిళా అధికారి నిరాకరిస్తూ ఎదురు మాట్లాడటంతో వివాదం చెలరేగింది.

ఆమె 'టు హెల్ విత్ యూ' అని బదులివ్వడంతో.. వెంటనే ఆమె సస్పెన్షన్ ఆర్డర్ డ్రాఫ్ట్ చేయాలని, సర్వీస్ నుంచి డిస్మిస్ చేయాలని సిఫార్సు చేస్తూ జీఏడీకి వెంటనే లేఖ రాయాలని సిబ్బందిని ఆదేశించారు.

ఆమె ఎలాంటి పనీ చేయడం లేదని, డెలివరీ జీరో అంటూ ఆగ్రహంతో ఊగిపోయారు.